Prodhimet serbe më të importuarat në Kosovë

18 Prill 2013 - 19:49      

Serbia vazhdon të jetë importuesi kryesor në Kosovë, tregojnë të dhënat e Agjencisë të Statistikave të Kosovës.

 

Prishtinë, 18 prill - Serbia vazhdon të jetë importuesi kryesor në Kosovë, tregojnë të dhënat e Agjencisë të Statistikave të Kosovës.
Kjo agjenci ka publikuar të enjten statistikat e tregtisë së jashtme për muajin shkurt të këtij viti, ku del se përqindja më e madhe e importit në Kosovë është nga Serbia 11%, Gjermania 10.7%, Italia 8.8%, Greqia 8.4%, Turqia 7.6% dhe Kina 6.8%.
Shuma totale e importit gjatë shkurtit 2013 ishte 156.3 milionë euro, kurse vlera e eksportit 22.6 milionë euro.
Të dhënat nga Tregtia e Jashtme në Kosovë tregojnë për një deficit tregtar për muajin shkurtin 2013 prej 133,6 milionë Euro krahasuar me deficitin prej 109,9 milionë Euro me periudhën e njëjtë të vitit 2012.
Eksporti mbulon importin vetëm 14.5%, edhe pse sipas Entit Statistikor, për dallim prej të njëjtës periudhë vitin e kaluar, eksporti ka rritje prej 48%, ndërsa importi 24.%.
Enti Statistikor shkruan në një komunikatë se lidhur me eksportin dhe importin e Kosovës, vendet e BE-së janë partnerët kryesorë tregtarë, të cilët marrin pjesë me 40.8% për eksport dhe 44.6% për import.
Ndërsa, vendet e CEFTA-s marrin pjesë me 34.1% për eksport dhe 27.3% për import, në raport me totalin e muajit.
Përqindja më e madhe e eksportit ishte në: Itali 27.3%, Shqipëri 11.4%, Mal të Zi 11.0%, Maqedoni 6.6%, Gjermani 5.1% etj.
comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...