Dogana hap tregun e mallrave të konfiskuara

6 Prill 2013 - 14:43      

Dogana e Kosovës me datën 8 prill do të hapë dyert në Depon e Terminalit në Mitrovicë për myshterinjtë e saj. Aty do të shiten gjërat që janë konfiskuar nga doganierët.

Prishtinë, 6 prill - Dogana e Kosovës me datën 8 prill do të hapë dyert në Depon e Terminalit në Mitrovicë për myshterinjtë e saj. Aty do të shiten gjërat që janë konfiskuar nga doganierët.

Këtë herë, në shitje nëpërmjet një ankandi publik do të dalin shumë gjëra, kryesisht gjësende që gjenden nëpër kioska.

Peshqir, mbushës (karikues), syze dielli, lamela, thithëse elektrike, telefona, makina rrobaqepësie, bluza, etj, janë disa nga gjësendet që myshterinjtë do të mund t’i blejnë.

Për llojet e gjërave dhe çmimet e tyre, përveç ditës kur do të hapet ankandi, Dogana e Kosovës ka njoftuar në detaje gjithçka nëpërmjet një njoftimi në ueb-faqen e saj zyrtare. Në një listë të ndarë në 20 pjesë, përveç llojit të artikujve është paraqitur edhe sasia dhe çmimi. E, vlera fillestare e krejt produkteve është 7 326.10 euro.

Për 223 euro, Dogana ka menduar t’i shesë këto produkte: një mikroskop, katër këmbë për kamerë, një pjesë për veturë (2 stopa), një pompë uji, 24 zbukurime për fustane, një mbajtëse për syza, 83 copë syze dielli, një orë dore, dy DVD Player Red Star.

Para pak ditësh, Dogana pos gjërave të konfiskuara, në ankande publik ka nxjerr edhe rreth 20 vetura të saj, e nga të gjitha këto po ka edhe të hyra të kënaqshme.

Fllanza Mezini, zyrtare për informim në Doganën e Kosovës, tha për Indeksonline se mallrat qe konfiskohen me së shumti, kryesisht janë derivatet (naftë dhe benzinë), vajrat motorike dhe hidraulike, pije joalkoolike dhe alkoolike, prodhime higjienike, prodhime ushqimore, barna pa banderole, telefona celularë etj.

Mezini tregon se gjatë vitit 2012, nga procesi i shitjes nëpërmjet ankandit publik dhe ftesës me oferta, janë realizuar të hyra në shumë prej 335 847 euro.

Ndërkaq, gjatë tre muajve të parë të vitit 2013, Dogana ka realizuar të hyra në shumë prej 30 mijë e 677 eurove.

Ankande të tilla organizohen shumë shpesh. Mund të ndodhë që çdo një muaj Dogana i shet mallrat e konfiskuara. Madje, mallin mund ta blejnë edhe ata persona nga të cilët janë konfiskuar këto gjëra. 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...