A jeni intolerantë në laktozë?

15 Shkurt 2013 - 15:43      

Tridhjetë minuta kanë kaluar qysh se keni ngrënë akullore, ndërsa tani ndjeni dhimbje dhe irritim në lukth. Nëse këto simptoma ju duken të njohura, ka shumë gjasa që jeni intolerant në laktozë.
Laktoza është sheqeri kryesor në qumësht dhe në shumicën e produkteve qumështore. Zorra juaj e hollë liron enzimën e quajtur laktazë, e cila ju ndihmon tek tretja e këtij sheqeri. Kur jeni intolerant në laktozë sistemi juaj tretës nuk prodhon mjaftueshëm laktazë. Fatkeqësisht, intolerenca në laktozë nuk mund të shërohet, por ndryshimet në shprehitë ushqyese mund të lehtësojnë simptomat.

Tridhjetë minuta kanë kaluar qysh se keni ngrënë akullore, ndërsa tani ndjeni dhimbje dhe irritim në lukth. Nëse këto simptoma ju duken të njohura, ka shumë gjasa që jeni intolerant në laktozë.

Laktoza është sheqeri kryesor në qumësht dhe në shumicën e produkteve qumështore. Zorra juaj e hollë liron enzimën e quajtur laktazë, e cila ju ndihmon tek tretja e këtij sheqeri. Kur jeni intolerant në laktozë sistemi juaj tretës nuk prodhon mjaftueshëm laktazë. Fatkeqësisht, intolerenca në laktozë nuk mund të shërohet, por ndryshimet në shprehitë ushqyese mund të lehtësojnë simptomat.

Simptomat e intolerancës në laktozë janë:

•    Fryrja;

•    Diarreja;

•    Gazrat e dhimbshme;

•    Ngërçet në stomak.



Identifikoni shkaqet

Qumështi dhe produktet e qumështit janë në vend të parë kur identifikohen ushqimet që përmbajnë laktozë. Megjithatë, shumë produkte përmbajnë laktozë prandaj kini kujdes dhe lexoni përbërjen e produktit dhe kërkoni shënimet që tregojnë që në produkt është e pranishme laktoza:



•    Hirra;

•    Qumështi pluhur;

•    Nënproduktet e qumështit.



Nëse jeni jashtëzakonisht të ndjeshëm në laktozë, duheni të shmangni të gjitha produktet siç janë:



•    Produktet e furrës së bukës;

•    Buka, pjekurinat dhe brumërat për petulla;

•    Lloje të caktuara të ëmbëlsirave (çokollata e qumështit);

•    Margarina;

•    Mishi i përpunuar (proshuta, hot dogu, salsiçet);

•    Katrorët energjetikë;

•    Salca për sallatë.



Si ta kontrolloni intolerancën në laktozë?



Nuk mund të ndryshohet mënyra në të cilën trupi juaj shpërbën laktozën, por mund ta reduktoni dhe në tërësi të eliminoni simptomat e intolerancës në laktozë.

Bisedoni me mjekun ose nutricionistin të cilët do t’ju ndihmojnë te përpilimi i planit ushqyes. Mbani ditar të ushqimit për të zbuluar se sa laktozë është e pranueshme në trupin tuaj, respektivisht se sa laktozë mund të konsumoni, dhe që të mos shfaqen efektet e intolerancës në laktozë.

Ndryshimet e vogla në shprehitë ushqyese do të ndihmojnë në reduktimin e simptomave të intolerancës në laktozë.

Mos i hani produktet qumështore veçmas. Trupi do ta ketë më të lehtë të zbërthejë laktozën nëse e konsumoni me llojet e tjera të ushqimeve.

Zgjidhni produkte e qumështit të cilat është më lehtë të treten. Zgjidhja e sotme e qumështit dhe produkteve qumështore është e pasur dhe me siguri do të gjeni diçka që do ta keni të shijshme dhe në dispozicion.

Përdorni produkte të qumështit që nuk përmbajnë laktozë. Shumë prodhues prodhojnë qumështin dhe produktet e qumështit që nuk përmbajnë laktozë.

Nëse jeni intolerant në laktozë përdorni qumësht bajamesh, orizi dhe të sojës. Nëse vëreni intolerancë në laktozë tek fëmija, gjithsesi konsultohuni me mjekun.

Merrni enzimën laktazë e cila është në dispozicion në formë tabletave, lëngjeve dhe kapsulave. Para marrjes së enzimës këshillohuni me mjekun ose farmacistin.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...