Agimi i Artë fyen dhe kërcënon Shqipërinë e shqiptarët

31 Janar 2013 - 17:48      

Partia “Agimi i Artë” njofton në faqen zyrtare lajmin se deputeti i kësaj partie, Kristos Papas u shpall person i padëshirueshëm në Shqipëri, pas intervistës që ai dha në televizionin News24.

Tiranë, 31 janar - Partia “Agimi i Artë” njofton në faqen zyrtare lajmin se deputeti i kësaj partie, Kristos Papas u shpall person i padëshirueshëm në Shqipëri, pas intervistës që ai dha në televizionin News24.

“Pas deklaratave të tij rreth autonomisë dhe mundësisë së ndërhyrjes ushtarake në Epirin e Veriut, ministri i Punëve të Jashtme, Edmond Panariti e deklaroi atë person “non grata”, duke kërkuar nga Ministria e Punëve të Brendshme e Shqipërisë që të ndalojë hyrjen e nacionalistit grek në territorin shqiptar”, thuhet në faqen e kësaj partie greke.

Sipas partisë neonaziste, Papas tha troç në intervistë gjithçka që ka të bëjë me Protokollin e Korfuzit, me ligjin e luftës midis Greqisë e Shqipërisë, me origjinën e shqiptarëve dhe historinë e tyre, emigracionin e paligjshëm, krimin në Greqi dhe shumë të tjera. “Papas iu kujtoi të gjithëve se Epiri i Veriut është grek dhe se Agimi i Artë nuk i harron vëllezërit grekë dhe lufton për të drejtat e helenizmit”, dhe ky, sipas Agimit të Artë, ishte edhe mesazhi kryesor i intervistës, njofton Balkanweb.

Në mesazh thuhet se këto fjalë i trembën shqiptarët, të cilët janë mësuar të ulin kokën përpara qeverive e të mos flasin para falsifikimit të historisë. “Shqiptarët brenda dhe jashtë Greqisë e dinë shumë mirë se Agimi i Artë është forca e tretë politike në Greqi dhe së shpejti imoraliteti i tyre do të marrë fund dhe ankthet e tyre më të këqija do të bëhen realitet”, thuhet në njoftimin e partisë ekstremiste greke.

Duke përfunduar, Agimi i Artë thotë në shpalljen e tij se “lëvizja nacionaliste greke do të jetë në ballë të luftës për ruajtjen e nderit kombëtar dhe të grekëve të Epirit të Veriut”. 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...