Komandanti i KFOR-it vizitoi Zyrën e Kosovës në veri

31 Janar 2013 - 17:30      

Komandanti i KFOR-it, gjeneralmajori, Volker Halbauer vizitoi të enjten Zyrën Administrative të Kosovës në veri të Mitrovicës (ZAMV), ku bisedoi me shefen e saj, Adrijana Hoxhiq.

Mitrovicë, 31 janar - Komandanti i  KFOR-it, gjeneralmajori, Volker Halbauer vizitoi të enjten Zyrën Administrative të Kosovës në veri të Mitrovicës (ZAMV), ku bisedoi me shefen e saj, Adrijana Hoxhiq.

“Si zyrë kemi marrë për obligim maksimalisht  të bashkëpunojmë me institucionet e sigurisë, në mënyrë që qytetarëve t’ju sigurohet liria elementare dhe e drejta për vetëvendosje për të tashmen dhe të ardhmen e tyre. Jemi dakorduar që në këtë drejtim duhet edhe më shumë punë. Ne jemi duke vazhduar me aktivitetet tona, si në ofrimin e shërbimeve administrative qytetarëve ashtu edhe me implementimin e projekteve infrastrukturore të planifikuara, dhe atë ekskluzivisht me kërkesën e qytetarëve, pa kurrfarë imponimi apo kushtëzimi”, tha Hoxhiq në takim, njofton shërbimi për informim i kësaj zyre.

Komandanti i KFOR-it falënderoi zyrtaren Hoxhiq dhe bashkëpunëtorët e saj për  informimin mbi mënyrën e funksionimit të ZAMV-së.

 “Kjo është vizita ime e parë në Zyrën Administrative të Mitrovicës Veriore, ku u njoftova shumë mirë për shërbimet që i ofron kjo zyrë, dhe që prej muajit qershor të vitit 2012 e deri më sot është vizituar nga mbi 4 000 qytetarë, gjë që tregon se shërbimet e kësaj zyre janë të nevojshme për qytetarët e Mitrovicës Veriore”, tha Halbauer.

Në qoftë se KFOR-i vëren çfarëdo kërcënimi ndaj sigurisë, pjesëtarët e tij do të ndërmarrin të gjitha masat e nevojshme në mënyrë që në pjesën veriore të vendit të mbretërojë situatë e qetë, tha kreu i KFOR-it, për të shtuar se përkrah punën dhe aktivitetet e kësaj zyre, si dhe vazhdimin e bashkëpunimit me të. 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...