Ambasadori Hysa bisedoi me kreun e Gostivarit

31 Janar 2013 - 16:33      

Kryetari i RDK-së dhe i Komunës së Gostivarit, Rufi Osmani, priti në kabinetin e tij ambasadorin e Republikës së Kosovës në Shkup, Ylber Hysa.
Osmani e njoftoi Hysën me të arriturat dhe sfidat e Komunës së Gostivarit në mandatin katërvjeçar, ndërsa u bisedua edhe për çështjet aktuale politike dhe socio-ekonomike në Maqedoni e rajon.

Gostivar, 31 janar - Kryetari i RDK-së dhe i Komunës së Gostivarit, Rufi Osmani, priti në kabinetin e tij ambasadorin e Republikës së Kosovës në Shkup, Ylber Hysa.

Osmani e njoftoi Hysën me të arriturat dhe sfidat e Komunës së Gostivarit në mandatin katërvjeçar, ndërsa u bisedua edhe për çështjet aktuale politike dhe socio-ekonomike në Maqedoni e rajon.

Ambasadori Hysa u interesua edhe për përgatitjet e RDK-së (Rilindjes Demokratike Kombëtare) për zgjedhjet lokale të radhës, si në komunën e Gostivarit ashtu dhe në komunat tjera ku kjo parti do të futet në garë zgjedhore, informon shërbimi për informim i kësaj partie shqiptare në Maqedoni. 

Dy bashkëbiseduesit ndanë mendimin që kryesorja është që procesi zgjedhor në përgjithësi të jetë korrekt dhe të zhvillohet në frymë demokratike.

Osmani e njoftoi ambasadorin e Kosovës se qëndrimi i RDK-së është që opozita maqedonase të kthehet në parlament, me garanci nga partia në pushtet se do të organizohen zgjedhje të parakohshme parlamentare brenda vitit dhe së bashku të përkrahin referendumin për tejkalimin e çështjes së emrit të vendit.

Ambasadori Hysa, ndërkaq, e njoftoi Osmanin se në Kosovë janë në vijim përgatitjet për shënimin e pesëvjetorit të pavarësisë, në të cilën ceremoni do të jetë i ftuar edhe kreu i Komunës së Gostivarit.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...