Diplomoi gjenerata e 44-të e Policisë së Kosovës

18 Janar 2013 - 16:09      

Në Akademinë e Kosovës për Siguri Publike, pas një trajnimi 20 javor, diplomuan shtatëdhjetë kadetë të rinj të Policisë së Kosovës.

Vushtrri, 18 janar - Në Akademinë e Kosovës për Siguri Publike, pas një trajnimi 20 javor, diplomuan shtatëdhjetë kadetë të rinj të Policisë së Kosovës. Në ceremoninë e diplomimit morën pjesë, zëvendësministrat në MPB, Izmi Zeka dhe Ismet Ibishi, drejtori i përgjithshëm i PK-së, Shpend Maxhuni, drejtori i përgjithshëm i Akademisë, Ismail Smakiqi, kryetari i Komunës së Vushtrrisë, Bajram Mulaku, kryeshefi i Inspektoratit të PK-së, Fitim Shishani dhe përfaqësues të institucioneve vendore e ndërkombëtare.

Duke uruar të diplomuarit, zëvendësministri i Punëve të Brendshme, Izmi Zeka tha se Policia e Kosovës është e obliguar të garantojë rend dhe siguri për të gjithë qytetarët e Kosovës në gjithë territorin e saj, njoftohet përmes komunikatës zyrtare të Ministrisë së Punëve të Brendshme.

“MPB-ja do të vazhdojë me zhvillimin e politikave strategjike në përkrahje të PK-së, duke rekrutuar pjesëtarë të rinj, në mënyrë që policia jonë të jetë më e re në moshë”, tha ai.

Ndërkaq drejtori i përgjithshëm i PK-së, Shpend Maxhuni tha polica është mbrojtëse e të drejtave individuale dhe publike, respektuese e rendit dhe ligjit në gjithë vendin. “Sundimi i rendit dhe ligjit sot është parakusht esencial në të gjitha aspektet e shoqërisë, garantues të së cilës nga sot do të jeni edhe ju, të nderuar policë të rinj. Edukimi dhe aftësimi juaj me standardet më të larta profesionale në fushën e zbatimit të ligjit do të jetë një ndihmesë e madhe jo vetëm për PK-në, por edhe për perspektiven e vendit”, tha ai. 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...