Vokalisti i “Radihead” paralajmëron kryeministrin britanik

18 Janar 2013 - 09:50      

Vokalisti i bendit legjendar, kërcënon se do të marrë masa ligjore ndaj kryeministrit britanik, nëse ai i përdor këngët e tij për të promovuar Partinë Konservatore në zgjedhjet e ardhshme. Thom Yorke ka kërcënuar se do “ta padisë ndyrësirën e gjallë”- duke iu referuar David Cameronit - nëse kryeministri përdor këngët e “Radiohead” në fushatën e zgjedhjeve të ardhshme. “Nuk mund të them se më entuziazmon ideja që ai ta pëlqejë muzikën tonë”, ka thënë këngëtari. “Nuk e beso

Londër, 18 janar - Vokalisti i bendit legjendar, kërcënon se do të marrë masa ligjore ndaj kryeministrit britanik, nëse ai i përdor këngët e tij për të promovuar Partinë Konservatore në zgjedhjet e ardhshme. Thom Yorke ka kërcënuar se do “ta padisë ndyrësirën e gjallë”- duke iu referuar David Cameronit - nëse kryeministri përdor këngët e “Radiohead” në fushatën e zgjedhjeve të ardhshme. “Nuk mund të them se më entuziazmon ideja që ai ta pëlqejë muzikën tonë”, ka thënë këngëtari. “Nuk e besoj se atij aq shumë i pëlqen ‘King of Limbs’. Por gjithashtu mendoj, kush brengoset për këtë? Për aq kohë sa ai nuk e përdor këngën për fushatën e tij zgjedhore, unë nuk brengosem. Do ta padisja nëse e bën”, ka shtuar Yorke. Në vitin 2010, kënga e “Radiohead”, me titull “Everybody’s Changing”, ishte interpretuar në fushatën e një partie konservatore. “Jam i tmerruar”, kishte shkruar bateristi Richard Hughes. “Asnjëherë nuk do të votoj për ta”, kishte shtuar ai.

Ndërkohë, Yorke, i cili ka qëndrime të forta lidhur me çështjet sociale e ambientale, në një konferencë për ndryshimet klimatike të OKB-së që ishte mbajtur në vitin 2009, e kishte pranuar se “nuk është qejf të shkruash për politikë”. Ditëve të fundit, frontmeni i “Radiohead” është duke u përpjekur ta qetësojë veten me joga dhe meditim. “Nuk jam aq vital sa kam qenë, por ende mund të kem ankth nate”, ka thënë ai. Ndërkohë, 44 vjeçari është po ashtu tepër i dhënë pas punës. “Kur jemi kthyer nga turneu, i pata dhënë vetes një javë pushim nga studio dhe kaq ishte. Por ndërkohë, po e tradhtoja veten, sepse ashtu kështu punoja i qetë në laptop”, ka thënë ai. Vitin e kaluar, ai kishte qenë më së shumti i angazhuar në projektin e “Atoms for Peace”, albumi debutues i të cilëve del më 25 shkurt. “Nuk është aspak si ‘The Eraser’. Por as nuk është album i një vendi, nuk tingëllon sikur po interpreton në një vend... Kemi dashur të hyjmë brenda këngës, sepse është ndjenjë e mirë ta bësh këtë. Por nëse do të varej nga unë, secila këngë do të zgjaste nga 10 minuta. Për mua, albumi i ‘Atoms’ nuk është asnjëherë mjaft”, ka thënë ai. Megjithëkëtë, Yorke ka thënë se asnjëherë nuk do ta imagjinonte të realizonte një album instrumental. “Me të vërtetë kënaqem derisa shkruaj tekstin i ulur pranë pianos. Synoj të humbas interesimin për daulle”, ka përfunduar ai.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...