Keqardhje e OKB-së për himnin famëkeq serb

17 Janar 2013 - 22:05      

Kombet e Bashkuara kërkuan falje pasi një grup serb interpretoi një këngë famëkeqe, që lidhet me masakrën e Srebrenicës, para sekretarit Ban Ki-mun, njoftoi agjencia franceze e lajmeve AFP.

New York, 17 janar - Kombet e Bashkuara kërkuan falje pasi një grup serb interpretoi një këngë famëkeqe, që lidhet me masakrën e Srebrenicës, para sekretarit Ban Ki-mun, njoftoi agjencia franceze e lajmeve AFP.

“Ne sinqerisht shprehim keqardhje që njerëzit u ofenduan nga kjo këngë, e cila nuk ishte futur në programin zyrtar”, tha zëdhënësi i OKB-së, Martin Nesirky, duke iu përgjigjur protestave që erdhën për shkak të këngës “Marshi në Drinë”, të kënduar në Asamblenë e Përgjithshme të OKB-së të hënën, transmeton Rel.

Duke mos qenë në dijeni për konotacionet nacionaliste të këngës, Ban dhe zyrtarë të tjerë të OKB-së duartrokitën korin serb Viva Vox, pas interpretimit të këngës.

“Marshi në Drinë” u shkrua fillimisht për të lavdëruar trupat serbe të vrarë gjatë një beteje në Luftën e Parë Botërore, por pastaj është bërë himn nacionalist për serbët.

Kjo këngë thuhet se u këndua nga forcat serbe gjatë masakrës së Srebrenicës, në vitin 1995, kur u vranë tetë mijë meshkuj myslimanë.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...