Obama: U mbajt premtimi për taksat

6 Janar 2013 - 11:10      

Presidenti i SHB, Barack Obama thotë se ai e mbajti premtimin ndaj punonjësve amerikanë, duke bashkëpunuar me Kongresin për të ndryshuar ligjin e taksave, nga i cili përfitonin të pasurit në kurriz të shtresës së mesme.

Washington, 6 janar - Presidenti i SHB, Barack Obama thotë se ai e mbajti premtimin ndaj punonjësve amerikanë, duke bashkëpunuar me Kongresin për të ndryshuar ligjin e taksave, nga i cili përfitonin të pasurit në kurriz të shtresës së mesme.

Në fjalimin e tij të përjavshëm Presidenti tha se për herë të parë në dy dekada, taksat për amerikanët më të pasur që përbëjnë 2 për qind  të popullsisë, u rritën sipas marrëveshjes së arritur në Kongres. Ai tha se kjo masë parandaloi rritjen e madhe të taksave për shtresën e mesme, gjë që mund ta kishte shtyrë ekonominë amerikane drejt një recesioni të ri. Megjithatë, mbetet ende shumë për t’u bërë për punësimin e amerikanëve dhe për ta futur ekonominë në rrugën e shlyerjes së borxhit, tha  Obama, transmeton VoA.

Presidenti tha se shkurtimet e shpenzimeve duhen bërë pa u prekur fusha ai arsimi, trajnimet, kërkimet teknologjike, për të cilat ai tha se janë tepër të rëndësishme për mirëqenien e vendit në shekullin e 21-të.

Ndërkohë, në reagimin e republikanëve, kongresmeni i Michiganit, David Camp i bëri thirrje kolegëve të tij republikanë të përpiqen të gjejnë mënyra për pakësimin e shpenzimeve të panevojshme të Washingtonit.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...