Favre nuk ka humbur besimin te Xhaka

15 Dhjetor 2012 - 21:16      

Mesfushori kosovar Granit Xhaka shumë shpejt do ta rikthejë vendin e titullarit te Borussia Moenchengladbach. Trajneri Lucien Favre, ka insistuar se Xhakës i nevojitet edhe pak kohë të adaptohet me ritmin e Bundesligës, pasi është futbollist i ri. Kështu shkruan të premten "20minuten.ch".

Moenchengladbach, 15 dhjetor - Mesfushori kosovar Granit Xhaka shumë shpejt do ta rikthejë vendin e titullarit te Borussia Moenchengladbach. Trajneri Lucien Favre, ka insistuar se Xhakës i nevojitet edhe pak kohë të adaptohet me ritmin e Bundesligës, pasi është futbollist i ri. Kështu shkruan të premten "20minuten.ch".

Xhaka 20-vjeçar, te Borussia Moenchengladbachu u transferua para fillimit të këtij edicioni nga Baseli zviceran. Transferimi i tij bëri bujë në Zvicër e Gjermani. Ekipi gjerman për transferimin e Xhakës pagoi një dëmshpërblim prej 8.5 milionë eurosh.

Në ndeshjet e para të këtij edicioni, Xhaka ishte titullar i padiskutueshëm te Moenchengladbachu, por në ndeshjet e fundit, ai e ka humbur këtë status. Kryesisht aktivizohet si zëvendësues.

"Nuk ka shkuar asgjë keq me Xhakën. Ne i kemi disa lojtarë të rinj në skuadër, të cilët ende kanë nevojë të mësohen me ritmin e Bundesligës", është shprehur Favre. "Po punojnë intensivisht dhe në mënyrë specifike me këta futbollistë. Kështu që është vetëm çështje kohe para se gjithçka të vijë në vendin e duhur".

Favre ka zbuluar se Xhaka po zhvillon stërvitje shtesë, por nuk është i vetmi që bënë këtë.

"Ai po bën stërvitje të veçanta me topin", tha Favre.

Xhaka, i cili është reprezentues i rregullt i Zvicrës, ka kontratë me skuadrën gjermane deri në qershorin e vitit 2017.

Favre nuk ka lënë pa përmendur edhe ish-bashkëlojtarin e Xhakës te Baseli, Xherdan Shaqirin, i cili po aktivizohet te skuadra tjetër e Bundesligës, Bayern Muenchen. Favre ka thënë se Shaqiri punët i ka mirë te skuadra bavareze.

"Shaqirit po i shkojnë punët shumë mirë. Forca dhe shpejtësia e tij, janë të jashtëzakonshme. Është një lojtar i mirë, i cili edhe pse ka konkurrencë të fortë për pozitën e tij, me Franck Riberyn, Arjen Robbenin e Thomas Muellerin, po ia del të luajë", ka thënë Favre. "Nëse Robben mungon te Bayerni, atëherë në vend të tij gjithmonë luan Shaqiri që e kryen punën shumë mirë".

Shaqiri 21-vjeçar, te Bayerni u transferua në verë për 12.5 milionë euro dhe ka kontratë valide deri në qershorin e vitit 2016.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...