Bllokimi i buxhetit 2013, krizë në Maqedoni

14 Dhjetor 2012 - 18:38      

Projektbuxheti i vitit 2013 në Maqedoni është një nga çështjet e fundit që ka nxitur krizë politike, për shkak të rrezikut të mosmiratimit të tij në afatin e duhur.

Shkup, 14 dhjetor - Projektbuxheti i vitit 2013 në Maqedoni është një nga çështjet e fundit që ka nxitur krizë politike, për shkak të rrezikut të mosmiratimit të tij në afatin e duhur.

Derisa vendet e rajonit kanë miratuar buxhetet për në mot, në Maqedoni ai akoma gjendet nëpër komisionet parlamentare dhe nuk ka mbërritur për miratim në Parlament. Mbi 1 226 amendamente janë propozuar nga partitë opozitare, prej të cilëve mbi 400 amendamente janë nga partia shqiptare RDK.

Në Komisionin parlamentar të financave dhe buxhetit dje u shqyrtuan 137 amendamente, derisa kanë ngelur edhe mbi 1 000 amendamente tjera. Kjo situatë ka shkaktuar krizë, pasi që partitë e mazhorancës nuk kanë mbështetur asnjë amendament të opozitës në kuadër të këtij komisioni, njofton agjencia Ina.

Qeveria ka theksuar se opozita po bllokon miratimin e projektbuxhetit, por partitë e opozitës kanë theksuar se qëllimi i tyre është që të hartohet një buxhet cilësor dhe për të mirën e qytetarëve. RDK ka theksuar se me amendamentet e tyre kërkohet ndarja e mbi 25 për qind të mjeteve të buxhetit për projekte shqiptare.

Megjithë këto kontradikta dhe humbje kohe, kryetari i Parlamentit, Trajko Veljanovski ka caktuar seancën plenare për buxhetin më 24 dhjetor, kurse nga kabineti i tij kanë theksuar se qëllimi është që brenda pesë ditëve të debatit të kalojë buxheti për 2013. Për zhbllokimin e situatës rreth projektbuxhetit 2013, RDK ka kërkuar takim liderësh për të arritur marrëveshje rreth kërkesave të opozitës.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...