Afaristët gjilanas kërkojnë ndryshimin e rregullores për bizneset

21 Nëntor 2012 - 10:33      

Biznesmenë nga komuna e Gjilanit janë ankuar për ngarkesa tatimore nga komuna.

Gjilan, 20 nëntor- Biznesmenë nga komuna e Gjilanit janë ankuar për ngarkesa tatimore nga komuna.

Njëri ndër ta, Abdullah Bajra, pronar i një fabrike të ujit, thotë se taksat komunale që aktualisht po aplikohen ndaj bizneseve në komunë janë të larta, duke shtuar se 7 vjet nuk ka pasur ndryshim të kësaj rregulloreje edhe pse në shumë komuna të tjera është bërë. ”Bizneset janë  më të prekurat nga kjo rregullore, e cila mban në vete çmime tejet të larta duke mos na lënë hapësirë fare për të menduar në zgjerimin e bizneseve. Mendoj se është momenti i fundit që Komuna të bëjë ndonjë ndryshim, ngase në të kundërtën shumë biznese të vogla do të falimentojnë siç është duke ndodhur këtë vit”, ka thënë  Bajra. Ai po ashtu ka shprehur shqetësimin edhe për kushtëzimin e qytetarëve në pagesën e këtyre taksave, duke thënë se Komuna po bën shkelje ligjore ngase këtë vendim e ka kundërshtuar edhe Qeveria e vendit.

Edhe Shemsedin Qerimi, po ashtu biznesmen, ka kërkuar që taksat komunale të jenë të përballueshme për qytetarët dhe bizneset.

Këto ditë Komuna e Gjilanit e ka nxjerrë në dëgjim publik projektrregulloren për taksat, ngarkesat dhe gjobat komunale për 2013.

Riad Rashiti, drejtor i Ekonomisë, ka thënë se në këtë sektor çdo vit janë bërë lehtësime taksash për biznese, duke paralajmëruar mundësinë që ato të hiqen krejtësisht në të ardhmen. 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...