Zvogëlimi i numrit të nxënësve mund të lërë pa punë disa mësimdhënës

21 Nëntor 2012 - 10:32      

Drejtues të Arsimit, në Dragash, kanë bërë të ditur se zvogëlimi i numrit të nxënësve dhe transferimi i tyre në qendrat tjera, mund të lërë pa punë një numër mësimdhënësish.
Sipas drejtorit të arsimit, Hajri Ramadani, në mungesë të disa drejtimeve më joshëse, një numër i konsiderueshëm i nxënësve, vitin e dhjetë janë duke e ndjekur në shkollat e Prizrenit, apo gjetiu. Për më tepër, siç ka nënvizuar ai, kjo mund të ndodhë edhe për faktin se edhe këtë vit, Shkolla e Mesme Profesionale, në të cilën është shpresuar se do të mbeten një numër i konsiderueshëm i shkollarëve të mesëm, ende është e papërfunduar.

Dragash, 21 nëntor-  Drejtues të Arsimit, në Dragash, kanë bërë të ditur se zvogëlimi i numrit të nxënësve dhe transferimi i tyre në qendrat tjera, mund të lërë pa punë një numër mësimdhënësish.

Sipas drejtorit të arsimit, Hajri Ramadani, në mungesë të disa drejtimeve më joshëse, një numër i konsiderueshëm i nxënësve, vitin e dhjetë janë duke e ndjekur në shkollat e Prizrenit, apo gjetiu. Për më tepër, siç ka nënvizuar ai, kjo mund të ndodhë edhe për faktin se edhe këtë vit, Shkolla e Mesme Profesionale, në të cilën është shpresuar se do të mbeten një numër i konsiderueshëm i shkollarëve të mesëm, ende është e papërfunduar.

Ai ka bërë të ditur se në gjimnazin "Ruzhdi Berisha", të vetmen shkollë të mesme në këtë komunë, mësimet janë duke i ndjekur rreth 900 nxënës, ndërkaq në gjimnazin paralel, në Mlik të Gorës, ku punohet me planprograme të Beogradit, ndonëse nuk dihet numri i saktë e nxënësve, sipas disa shënimeve jozyrtare, ai mund të sillet rreth 160-shit.

Bazuar në të dhënat e DA-së, në vitin 2012, nga 391 nxënës (132 femra), aq sa e kanë kryer klasën e nëntë, në klasën e 10 janë regjistruar 224 sish (96 femra), apo rreth 50 më pak. Edhe në 13 shkollat fillore të kësaj ane, gjithnjë mund të vërehet një rënie e theksuar e numrit të filloristëve. Kështu, përderisa gjatë vitit të kaluar në shkollat fillore të kësaj komune kanë qenë të evidentuar rreth 6.300 nxënës, këtë vit numri i tyre ka rënë në 6.150, që do të thotë 150 nxënës më pak. Kjo rënie, duke filluar nga parashkollorët e deri në klasën e nëntë, është më e theksuar në lokalitetet më të mëdha të kësaj komune, sidomos në trevën e Gorës, por edhe ajo e Opojës nuk është e kursye nga kjo dukuri. Vlerësohet se e tëra kjo, nuk është vetëm pasojë e migrimit të të rinjve, por edhe e mosvazhdimit të shkollimit të femrave dhe zvogëlimit të lindshmërisë.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...