'EULEX-i nuk është duke bërë asgjë'

12 Qershor 2012 - 18:27      

“EULEX-i nuk është duke bërë asgjë në luftën kundër korrupsionit në nivele të larta” është slogani i fushatës së re e cila sapo ka filluar të emetohet në stacionet televizive në Kosovë. Spoti i kësaj fushate është duke u transmetuar në të gjitha televizionet kryesore, kurse në tërë Kosovën janë duke u shpërndarë më shumë se 35,000 fletushka me të njëjtën porosi si dhe fanella dhe

Prishtinë, 12 qershor  - “EULEX-i nuk është duke bërë asgjë në luftën kundër korrupsionit në nivele të larta” është slogani i fushatës së re e cila sapo ka filluar të emetohet në stacionet televizive në Kosovë. Spoti i kësaj fushate është duke u transmetuar në të gjitha televizionet kryesore, kurse në tërë Kosovën janë duke u shpërndarë më shumë se 35,000 fletushka me të njëjtën porosi si dhe fanella dhe freskues ajri për makina në mbështetje të Agjencisë Kosovare Kundër korrupsionit. Spotin televiziv mund ta shikoni këtu: http://www.eulex-kosovo.eu/al/videos/anticorruption.php

 Kjo fushatë është iniciativë e Zyrës për Shtyp dhe Informim Publik të EULEX-it (ZSHIP).

 “Fushata i ka dy qëllime kryesore,” tha Nicholas Hawton, udhëheqës i ZSHIP, “Së pari, ne duam ta demantojmë mendimin se asgjë nuk është duke u bërë në luftimin e korrupsionit. Përderisa korrupsioni kurrë nuk do të eliminohet në tërësi dhe mbetet edhe shumë për të bërë, në anën tjetër është duke u bërë progres. Për shembull, janë nxjerrë tridhjetë e tri aktvendime për raste të mëdha të korrupsionit në nivele të larta; gjashtëdhjetë hetime janë në vijim e sipër. Ndër të shpallurit fajtorë ka gjykatës, policë, zyrtarë qeveritarë dhe politikanë. Këto nuk janë fakte të parëndësishme,” tha Hawton.

 “Së dyti, ne duam ta theksojmë faktin se EULEX-i nuk mund të bëjë më shumë. Në luftimin e korrupsionit duhet të angazhohemi të gjithë ne. EULEX-i merret me rastet e nivelit të lartë, të ndërlikuara dhe që marrin kohë. Por, pjesa dërmuese e punës në luftimin e korrupsionit është duke u bërë nga autoritetet vendase. EULEX-i mund të merret vetëm me një pjesë të këtij problemi. Prandaj, ne këtë po e bëjmë bashkërisht dhe në mbështetje të autoriteteve vendase. Kjo është arsyeja pse ne po e përkrahim agjencinë vendase kundër korrupsionit dhe po e reklamojmë linjën e tyre telefonike pa pagesë,” tha Hawton.

I ftojmë të gjithë qytetarët në Kosovë që t’i raportojnë përvojat e tyre personale me korrupsionin tek autoritetet përkatëse. Gjatë ditëve në vijim, Zyra e EULEX-it për Shtyp dhe Informim Publik do të ndërmerr hapa konkret në mbështetje të Këshillit Kundër Korrupsionit, Agjencisë Kundër Korrupsionit dhe Inspektoratit të Policisë të Kosovës.

 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...