Manolas ishte “karrem” për transferimin e Mustafit te Arsenali

11 Janar 2017 - 20:07      

Arsenali ishte në negociata me Romën për Kostas Manolasin gjatë verës së shkuar dhe e shfrytëzoi mbrojtësin si “karrem” për të transferuar Shkodran Mustafin.

Siç raporton “Goal”, “Topçinjtë” po kërkonin një qendërmbrojtës gjatë verës pasi Per Mertesacker ishte lënduar dhe pritej të mungonte për pesë muaj.

Fillimisht, londinezët kishin nisur negociatat me Valencian për 23-vjeçarin shqiptar, por çmimi që kërkonte klubi spanjoll prej 60 milionë eurosh kishte detyruar Arsenalin të largohej nga negociatat.

Pas këtij dështimi, Arsenali ishte hedhur në kërkim të Manolasit në Romë, për të cilin ofruar rreth 40 milionë euro.

“Roma refuzoi një ofertë të Arsenalit për Kostas gjatë verës. Ata ishin shumë të interesuar, por kërkesa e madhe e Romës nuk u pranua nga Arsenali”, ka thënë agjenti i Manolas, Ioannis Evangelopoulos për “SportFM”, transmeton koha.net.

Kur Valencia kuptoi këtë, menjëherë kishte zbritur çmimin e Mustafit duke lehtësuar negociatat dhe në fund për të finalizuar transferimin prej 40 milionë eurosh.

Transferimi doli të jetë shumë efikas sepse në 19 paraqitjet e Mustafit për Arsenali, klubi nuk ka pësuar asnjë humbje.

 

Pëlqejeni faqen e Koha.net për sport
comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...