Policia arreston dy hajna të shtëpive, ekspozon gjësendet e tyre të vjedhura

10 Janar 2017 - 15:01      

Hetuesit policorë në kuadër të Stacionit Policor Jugu në Mitrovicë, në vazhdën e hetimeve intensive me fokus të veçantë zbardhjen e veprave penale “vjedhje të rënda”, kanë arritur të identifikojnë dhe arrestojnë dy persona të dyshuar për përfshirje në disa raste të tilla.

Rastet e vjedhjeve ishin raportuar muaj më parë në zonën e Mitrovicës, ku si cak ishin disa shtëpi, e ku të dyshuarit përmes thyerjes me forcë kishin depërtuar brenda në shtëpi dhe objekte përcjellëse, nga ku kishin vjedhur televizorë, nxehëse radiator, lavatriqe e vegla të ndryshme pune.

“Hetuesit policorë mbi dyshimet e ngritura dhe provat e siguruara me datën 9 janar 2017 në Mitrovicë, kanë identifikuar dhe kanë arrestuar dy persona të dyshuar E. I., 24 vjeçar dhe F. I. 27 vjeçar, të dy të përkatësisë etnike shqiptar shtetas të Republikës së Kosovës”, thuhet në njoftimin për media të Policisë së Kosovës.

Deri më tani hetuesit policorë tek të dyshuarit, përkatësisht në disa lokacione të ndryshme, kanë arritur që të gjejnë 10 televizorë, 1 nxehëse radiator, 1 lavatriqe, 6 mjete (vegla) të ndryshme dhe 1 fshesë elektrike.

Dy të dyshuarve pas procedurave intervistuese nga ana e prokurorit të çështjes u është caktuar masa e ndalimit policor. 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...