Dua Lipa: Ishte e pamundur të depërtoja nga Kosova

11 Janar 2017 - 17:51      

Këngëtarja e njohur Dua Lipa ka deklaruar për “V Magazine” se nuk do të mund të kishte arritur suksesin që po shijon tani sikur të provonte të depërtonte me muzikë nga Kosova.

Lipa, që karrierën e nisi në Britani të Madhe, ka thënë në një intervistë të fundit se nga Kosova do ta kishte shumë të vështirë të depërtonte në një audiencë më të gjerë.

“Mendoj se nuk do të mund ta ndiqja karrierën muzikore në Kosovë sepse besoj se nuk kishte ndonjë rrugë për të dalë në një audiencë më të madhe. Nëse do të postoja ‘koverë’ dhe të shpresoja se dikush do të më gjente e të më largonte nga aty, thjesht nuk ishte reale. Gjithçka që doja ishte të bëja muzikë”, ka deklaruar këngëtarja që gjatë verës mbajti koncert në vendlindje, transmeton koha.net.

Lipa është rritur në Britani të Madhe, ndërsa në moshën 11-vjeçare ishte kthyer me familjen në Kosovë. Në moshën 15-vjeçare ajo kishte arritur të bindte prindërit që ta lejonin të kthehej në Londër, për të ndjekur ëndrrën e saj. Lipa më pas vazhdoi shkollimin në Britani dhe këtë përvojë e quan si më të rëndësishmen në jetën e saj.

Kënga e fundit e saj është “No Lie” e publikuar në bashkëpunim me këngëtarin e njohur Sean Paul.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...