Ahmeti njofton nisjen e negociatave me Gruevskin

12 Janar 2017 - 11:58      

Kryetari i BDI-së, Ali Ahmeti deklaroi të mërkurën se do të nisë negociatat me VMRO-DPMNE-në, e mandatuar nga presidenti për krijimin e qeverisë së re të Maqedonisë.

Por kreu i Bashkimit Demokratik për Integrim shton se nuk e ka vendosur ende nëse bisedimet do të përfundojnë me një ripërsëritje të partneritetit pasi forca politike që ai drejton aktiualisht është duke marrë në konsideratë 4 opsione të mundshme: koalicionin me VMRO-në, koalicionin me LSDM-në, bashkimin në një qeveri teknike, ose qëndrimin në opozitë.

Të gjitha këto mundësi janë hedhur në tryezë, thotë Ahmeti, dhe ne po i analizojmë me kujdes në nivelin më të lartë partiak. Pas zgjedhjeve të 11 dhjetorit, partia e Nikolla Gruevskit fitoi 51 vende në Parlament, LSDM-ja 49 dhe BDI-ja 10.

Shumë parti të tjera e kanë përjashtuar mundësinë e një aleance me VMRO-në, ndaj afrimi i BDI-së është një prej mundësive të pakta që i mbetet për formimin e qeverisë.

Negociatat, sipas Ahmetit, nuk kanë për të qenë të lehta dhe ai nuk do të bëhet pjesë e ekzekutivit nëse partneri maqedonas nuk pranon deklaratën e përbashkët të partive etnike shqiptare, të dakordësuar më 7 janar, transmeton tch.

Deklarata 7-pikëshe e realizuar me ndërmjetësimin e kryeministrit Edi Rama synon barazinë e plotë mes shumicës maqedonase të vendit dhe komunitetit shqiptar, që përbën gati çerekun e popullësisë.

Dy partitë e tjera të bllokut shqiptar, Besa, që siguroi 5 vende në Parlament dhe PDSH-ja që mori 3, nuk do të marrin pjesë në negocjata për një qeveri të re me VMRO DPMNE-në.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...