Prova të reja kundër Haradinajt nga Prokuroria për Krime Lufte në Serbi [video]

11 Janar 2017 - 19:04      

Prova të reja pretendon që ka siguruar Prokuroria për Krime të Luftës në Serbi kundër ish-kryeministrit Ramush Haradinaj, i cili po vazhdon të qëndrojë në paraburgim në Francë.

Ajo e ngarkon Haradinajn si përgjegjës për dhënien e urdhërimit si dhe kryerjen tërthorazi të 63 vrasjeve, raporton KTV.

Mediat atje raportuan për zgjerimin e këtyre hetimeve. Thuhet se këto prova nuk kanë qenë asnjëherë subjekt i shqyrtimit gjatë procesit gjyqësor në Hagë dhe, sipas mediave serbe, ato paraqesin plotësim të dëshmive dhe urdhrit për ekstradim që tashmë u është dërguar autoriteteve në Francë.

Kreu i prokurorisë për Krime të Luftës, Milan Petroviq, ka kërkuar që të kontrollohen të gjitha proceset në të gjitha zyrat e gjykatave dhe prokurorive që iu referohen pjesëtarëve të UÇK-së.

Ndërkohë, ligjvënësit kanë dështuar të nxjerrin një rezolutë për ndalimin e kryetarit të AAK-së, Ramush Haradinaj, në Francë.  


Prova të reja kundër Haradinajt nga Prokuroria... by kohanet
comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...